Çrregullimet somatoforme
Kategoritë kryesore të crregullimeve somatoforme janë:
- Çrregullimi i somatizimit
Ankesa soamtike të shumëfishta, të përsëritura për një periudhë disa vjeçare, të cilat nuk shkaktohen nga ndonjë çrregullim fizik.
- Çrregullimi somatoform i padiferencuar
Një ose më shumë ankesa somatike që zgjasin të paktën 6 muaj dhe që nuk plotësojnë kriteret e çrregullimit të somatizimit.
- Çrregullimi i konversionit
Humbje e menjëhershme dramatike e funksionit fizik, që nuk ka ndonjë shkak të njohur fiziopatologjik dhe duket se është një manifestim i nevojës ose i konfliktit psikologjik.
- Çrregullimi i dhimbjes
Dhimbje në mungesë të çrregullimeve fizike përkatëse ose të shpjegimeve fiziopatologjike, e cila lidhet me faktorë psikologjikë që luajnë rol në etiologjinë e saj.
- Hipokondria
Frikëra të pabazuara se mund të vuajë nga një sëmundje serioze
- Çrregullimi dismorfik i trupit
Preokupim për një difekt imagjinar në paraqitje. Në disa raste personi ka anomaly fizike të vogla, por shqetësimi që përjeton për këto ëshrë përtej proporcionit të patologjisë.
Literatura e përdorur:
Kaplan & Sadock: Synopsis of Psychiatry, twelfth edition
Kaplan & Sadock: Pocket handbook of clinical psychiatry, fifth edition;
American Psychiatric Association: Diagnostic Manual of mental disorder 1994;
Robert J. Waldinger; Psikiatria për studentët e mjekësisë, botimi i tretë, përkthyer nga Anastas Suli.