Pagjumësia përfshin një gamë të gjerë çrregullimesh të gjumit, nga mungesa e cilësisë së gjumit deri tek mungesa e sasisë së gjumit.
Pagjumësia zakonisht ndahet në tre lloje:
- Pagjumësia kalimtare – shfaqet kur simptomat zgjasin nga disa ditë deri në disa javë.
- Pagjumësia akute – quhet edhe pagjumësi afatshkurtër. Simptomat vazhdojnë për disa javë.
- Pagjumësia kronike – ky lloj zgjat të paktën me muaj, e ndonjëherë edhe vite. Shumica e rasteve të pagjumësisë kronike janë dytësore, që do të thotë se ato janë efekte anësore ose simptoma të ndonjë problemi tjetër.
Ka disa shenja dhe simptoma që lidhen me pagjumësinë.
- Vështirësi për të fjetur natën
- Zgjimi gjatë natës
- Zgjimi më herët se sa dëshirohet
- Personi i prekur mund të zgjohet duke mos u ndjerë plotësisht i zgjuar dhe i freskët, dhe mund të ketë një ndjesi lodhjeje dhe përgjumjeje gjatë gjithë ditës.
- Lodhje ose përgjumje gjatë ditës
- Iritabilitet, depresion ose ankth
- Përqendrim i dobët
- Të qenit i pakoordinuar, rritje e gabimeve apo aksidenteve
- Dhimbje koke tensive
- Simptomat gastrointestinale
- Shqetësim për gjumin.
- Mungesa e gjumit mund të shkaktojë simptoma të tjera
- Disa njerëz kanë më shumë gjasa të vuajnë nga pagjumësia se të tjerët. Kjo perfshin:
- Udhëtarët
- Punonjësit me turne me ndërrime të shpeshta
- Të moshuarit
- Përdoruesit e drogës
- Studentë adoleshentë ose të rinj
- Gratë shtatzëna
- Gratë në menopauzë
- Personat me çrregullime të shëndetit mendor
Literatura e përdorur:
Kaplan & Sadock: Synopsis of Psychiatry, twelfth edition
Kaplan & Sadock: Pocket handbook of clinical psychiatry, fifth edition;
American Psychiatric Association: Diagnostic Manual of mental disorder 1994;
Robert J. Waldinger; Psikiatria për studentët e mjekësisë, botimi i tretë, përkthyer nga Anastas Suli.