Çrregullimet e shëndetit mendor të lidhura me Covid-19

Çrregullimet e ankthit janë çrregullimet mendore më mbizotëruese në popullatën e përgjithshme. Disa faktorë psikologjikë janë shoqëruar me rrezikun e rritur për crregullime të ankthit. Ndjeshmëria ndaj ankthit është përkufizuar si përgjigja e individit ndaj ndryshimeve fiziologjike që shoqërojnë ankthin dhe frikën. Pacientët me çrregullime të ankthit kanë reaksione psikologjike të ekzagjeruara, të cilat janë reflektuese të keqinterpretimeve të sinjaleve trupore, në mënyrë të tillë që pacienti i perception keq këto ndjesi, në mënyrë të papërshtatshme,si të dëmshme e të rrezikshme, duke shpënë në rritje të ankthit e frikës në formë spiraleje. Është bërë e qartë se ka një predispozicion neurobiologjik të trashëguar për reaktivitet fiziologjik të rritur e simptoma të ankthit, në kontekstin e mjediseve të panjohura.. Mbrojtja e tepërt prindërore, kritikat e tepërta dhe mungesa e ngrohtësise, varfëria, ekspozimi ndaj dhunës,izolimi social, humbjet e përsëritura të marrëdhënieve ndërpersonale të rëndësishme janë faktorë rreziku për shfaqjen e çrregullimeve të ankthit.