Fjoralda Mecollari

Fjoralda Meçollari, ka kryer studimet bachelor në Psikologji dhe studimet master në Psikologji Klinike, Fakulteti i Shkencave Sociale. Me një veprimtari të përqendruar në shëndetin mendor dhe përmirësimin e cilësisë së jetës së individëve, ka shërbyer në role të ndryshme si psikologe.
Fillimisht ajo është angazhuar në krijimin e mjediseve të punës sa më të shëndetshme për punonjësit dhe në përmirësimin e efikasitetit të tyre në vendin e punës. Më tej, ka asistuar në programe të cilat synonin zhvillimin e përgjithshëm dhe krijimin e një mjedisi të mbështetjes dhe rritjes për femijet e afterschool/summerschool.
Terapia zhvillimore për fëmijët me çrregullime neurozhvillimore është një tjetër fushë e punës së saj. Si terapiste zhvillimi puna e saj ka konsistuar në: marrjen pjesë në procesin e vlerësimit, hartimin e planit të edukimit individual të fëmijës, si dhe ofrimin e shërbimit terapeutik. Më së fundmi, Fjoralda është fokusuar te individët të cilët përjetojnë sfida të shëndetit mendor. Duke ofruar trajtim dhe mbështetje, ajo ndihmon në menaxhimin dhe përmirësimin e gjendjes emocionale dhe psikologjike. 
Duke kombinuar gjuhën profesionale dhe dashurinë për profesionin, ajo është e përkushtuar për të ofruar trajtim dhe mbështetje për çdo individ.